Hugverkanefnd ber að hvetja starfsmenn og nemendur til að hagnýta rannsóknarniðurstöður til góðs fyrir samfélagið. Það kann að vera gert með sölu á einkaleyfi í umsjón Hugverkanefndar eða nytjaleyfi. Ef Hugverkanefnd ákveður að sækja um einkaleyfi fjármagnar nefndin þá vinnu. Í sumum tilvikum kann að vera ákjósanlegt að stofna sprotafyrirtæki eða fara í samstarfsverkefni með utanaðkomandi aðila sem hefur þá sérfræðiþekkingu og það bolmagn sem þörf er á til að unnt sé að hagnýta uppfinningu.

Hugverkanefnd hefur útbúið eyðublaðið, Tilkynning um uppfinningu/nýjung, til þess að auðvelda starfsmönnum/nemendum háskólans og Landspítala að senda inn erindi til nefndarinnar. Í skjalinu er að finna helstu atriði sem eru grundvöllur fyrir ákvörðun Hugverkanefndar um hagnýtingu rannsókna.

Hugverkanefnd vinnur að verkefnum sem skapað geta tækifæri til hagnýtingar fyrir fyrirtæki og fjárfesta hér á landi auk þess að koma að stofnun sprotafyrirtækja.