Leit í gagnagrunnum

Það getur verið gagnlegt fyrir starfsmenn og nemendur að gera leitir í einkaleyfagagnagrunnum. Við leit er meðal annars unnt að skoða:

  • Hvað hefur þegar verið gert á viðkomandi tæknisviði áður en vinna við rannsóknaverkefni hefst og jafnvel til að fá hugmynd að nýju verkefni eða lausn á tæknilegu vandamáli.
  • Hvort uppfinning (niðurstaða rannsóknar) brjóti gegn einkaleyfarétti annarra.
  • Hvort uppfinning (niðurstaða rannsóknar) sé þegar þekkt og því ekki unnt að vernda með einkaleyfi.
  • Hvaða uppfinningar tilteknir vísindamenn eru að skráðir uppfinningamenn að.
  • Hvaða fyrirtæki eru að sækja um einkaleyfi á tilteknum sviðum.

Það eru til ýmsir gjaldfrjálsir einkaleyfagagnagrunnar þar sem hægt er að gera slíkar leitir, þeir helstu eru Espacenet og PatentScope.

Í Espacenet er hægt er að leita að og skoða yfir 70 milljónir einkaleyfa og einkaleyfisumsókna frá helstu iðnríkjum heims. Þar er einnig að finna aðrar upplýsingar s.s. lagalega stöðu umsóknar. Gagnagrunnurinn er rekinn af Evrópsku einkaleyfastofunni og er íslenskt viðmót gagnagrunnsins aðgengilegt á heimasíðu Einkaleyfastofunnar.

PatentScope
er gagnagrunnur rekinn af Alþjóðahugverkastofnuninni (WIPO).  Þar er að finna birtar alþjóðlegar einkaleyfisumsóknir auk einkaleyfa og einkaleyfisumsókna frá fjölda ríkjaAðrir gjaldfrjálsir gagnagrunnar eru t.d. Google patens, Freepatentsonline.com og gagnagrunnur bandarísku einkaleyfastofunnar en hafa ber í huga gagnagrunnar eru misgóðir til leitar og innihalda mismikið af upplýsingum (einkaleyfum). 

Þú ert að nota: brimir.rhi.hi.is